ელენე ხოშტარიამ ევროპული საქართველო დატოვა და განაცხადა, რომ დამოუკიდებელი პოლიტიკური ძალის შექმნას აპირებს.

"ამ პოლიტიკური ციკლის ამ ეტაპზე მივიღე გადაწყვეტილება, დავიწყო დამოუკიდებელი პოლიტიკური ცხოვრება, არ გადავდივარ არც ერთ სხვა პარტიაში და ძალიან მყარად ვრჩები ოპოზიციურ ერთობაში. არც კი განვიხილავ პარლამენტში შესვლის საკითხს, ჩემი პოლიტიკური პოზიციები რჩება იგივე, მე მაქვს ახალი გეგმები პოლიტიკურ ცხოვრებაში, ახალი პლატფორმის შექმნა. პოლიტიკური ციკლის ამ ეტაპზე გადავწყვიტე დამოუკიდებელი პოლიტიკური ძალა შევქმნა", — განაცხადა ხოშტარიამ.

ელენე ხოშტარია 2016-2020 წლებში საქართველოს მე-9 მოწვევის პარლამენტის წევრი იყო. 2017 წელს ევროპულმა საქართველომ თბილისის მერობის კანდიდატად წარადგინა. რაც შეეხება 2020 წლის საპარლამენტო არჩევნებს, აქ ხოშტარია ვაკის მაჟორიტარულ ოლქში პარტიის დეპუტატობის კანდიდატი იყო.