პარლამენტის თავმჯდომარის, არჩილ თალაკვაძის მტკიცებით, ამნისტიის შესახებ კანონპროექტი, არ არის ინიცირებული იმისთვის, რომ საპარლამენტო უმრავლესობამ "რაიმე ჟესტი" გაუკეთოს ოპოზიციას.

"მოგეხსენებათ, რომ მაღალი პროფილის საქმეები ვერ იქნება და არ იქნება პოლიტიკური მოლაპარაკებების საგანი, ეს არის, ცალსახად, მართლმსაჯულების საკითხი. რაც შეეხება ამნისტიის შესახებ კანონპროექტს, ეს კანონი ადამიანებს არ დაყოფს პოლიტიკოსებად და არაპოლიტიკოსებად", — განაცხადა თალაკვაძემ.

დღეს ქართული ოცნების დეპუტატმა, მიხეილ სარჯველაძემ განცხადა, რომ საქართველოს პარლამენტში ინიცირებული იქნება საქართველოს კანონის პროექტი ამნისტიის შესახებ, რომლის მიხედვითაც ამნისტია შეეხება სულ 44 მუხლით გათვალისწინებულ დანაშაულს და აქ არ შევა ისეთი მძიმე დანაშაულები, როგორიცაა მკვლელობა, ოჯახური ძალადობა და სხვა.