ამერიკის შეერთებული შტატების ახალი პრეზიდენტის, დონალდ ტრამპის ინაუგურაციამდე სულ ცოტა დრო რჩება.

ინაუგურაციის პარალელურად იგეგმება რამდენიმე აქციაც. ნიუ-იორკში 100 000 ქალის მარში გაიმართება, რომელსაც ჰოლივუდის ვარსკვლავები შეუერთდებიან, მათ შორის: სკარლეტ იოჰანსონი, დებრა მესინგი, შერი, ქეითი პერი, პატრისია არკეტი, ჯულიანა მური, ემი შუმერი და სხვები.

ტრამპის საწინააღმდეგო აქციებს მართავენ ქალაქ ნიუ-იორკისა და მინიაპოლისის მერებიც, მათ ჰოლივუდის მსახიობები, რობერტ დე ნირო და სალი ფილდიც შეუერთდებიან.

გარკვეულია ისიც, რომ გავლენიანმა და პოპულარულმა მომღერლებმა ტრამპისთვის სიმღერაზე უარი განაცხადეს.

ჰოლივუდის ვარსკვლავების ნაწილმა კი მონაწილეობა მიიღო სპეციალურ პროექტში, სადაც თითოეულმა მათგანმა ლეგენდარული სიმღერა I Will Survive შეასრულა.

მონაწილეები არიან: ემა სტოუნი, ემი ადამსი, ნატალი პორტმანი, ენდრიუ გარფილდი, მიშელ უილიამსი, მეთიუ მაკკონაჰი, ფელისიტი ჯონსი და სხვები.

"ეს არის სწორედ ის სიმღერა, რომელიც ახლა ყველაზე მეტად გვჭირდება. არ დაგავიწყდეთ, რომ ინაუგურაცია ახლოვდება", - წერს ჟურნალი W magazine.