აშშ-ს სახელმწიფო დეპარტამენტში გამართულ ბრიფინგზე სახელმწიფო დეპარტამენტის უფროსმა და თანამდებობის პირებმა მაიკ პომპეოს უახლოეს დღეებში დაგეგმილ ვიზიტებზე ისაუბრეს. ბრიფინგზე გაირკვა, რომ მთავრობის წარმომადგენლებთან ვიზიტისა და პატრიარქის მონახულების გარდა, პომპეო სამოქალაქო საზოგადოებასთან შეხვედრასაც გეგმავს.

"პომპეო ძლიერ სამოქალაქო საზოგადოებას შეხვდება, რათა მოისმინოს მათი ხედვები კანონის უზენაესობის, მოსამართლეთა დამოუკიდებლობის, ასევე, სასამართლო სისტემის დამოუკიდებლობის შესახებ, რომელიც არსებითია ქართულ დემოკრატიაში ადამიანისა და ეკონომიკური უფლებებისა მიმართულებით", — განაცხადეს ბრიფინგზე.

აშშ-ს სახელმწიფო მდივნის, მაიკ პომპეოს საქართველოში ვიზიტი 17-18 ნოემბერსაა დაგეგმილი. უკვე ცნობილია, ვის შეხვდება სახელმწიფო მდივანი ვიზიტის ფარგლებში და რა თემებზე ისაუბრებს. დღის წესრიგში ოპოზიციასთან შეხვედრა გაწერილი არ არის.