ერთიანი ნაციონალური მოძრაობის ერთ-ერთი ლიდერი, ნიკა მელია, გრიგოლ ვაშაძის პირვანდელ განცხადებას გამოეხმაურა და აღნიშნა, რომ "როდესაც განცხადება აზრთა სხვადასხვაობას იწვევს, ეს არ არის საუკეთესო განცხადება". მისივე თქმით, ნებისმიერი განცხადება მაქსიმალური სიფრთხილით უნდა გაკეთდეს.

ასევე, მელია აღნიშნავს, რომ ენმ-ის წევრებმა არ იცოდნენ ვაშაძის განცხადების შესახებ, რომლითაც მან პარტიებს ქუჩიდან საკანონმდებლო ორგანოების ტრიბუნებზე გადანაცვლება მოუწოდა.

"როდესაც ქვეყნის განვითარების უმნიშვნელოვანეს ეტაპზე ვართ, ნებისმიერი განცხადების გავრცელების გაკეთების დროს უნდა ვიყოთ მაქსიმალურად ფრთხილად და ყურადღებით. "როდესაც განცხადება აზრთა სხვადასხვაობას იწვევს, ეს უკვე არ არის საუკეთესო განცხადება", — განაცხადა ნიკა მელიამ.

ევროპული საქართველოს ერთ-ერთმა ლიდერმა ხაზგასმით აღნიშნა, რომ დღევანდელი განცხადება გრიგოლ ვაშაძის თავდაპირველ განცხადებას არ უკავშირდება, სადაც ის პოლიტიკურ პარტიებს მოუწოდებს, პროცესი მშვიდობიან მაგიდასთან გადაიტანონ და ჩაანაცვლონ ქუჩა ყველა დონის საკანონმდებლო ორგანოების ტრიბუნით. მოგვიანებით ვაშაძემ თავისივე განცხადებაზე განმარტება გაავრცელა და თქვა, რომ პროტესტი უნდა გაგრძელდეს, მაგრამ დაემატოს პოლიტიკური კომპონენტი.

ოპოზიციის წარმომადგენლები 31 ოქტომბერს ჩატარებული არჩევნების ლეგიტიმაციას არ ცნობენ და საპარლამენტო მანდატებზე უარს ამბობენ. არც ერთი პარტია, რომელმაც 1%-იანი ბარიერი გადალახა, პარლამენტში არ შედის. ისინი პერმანენტულ აქციებს აანონსებენ და მთავრობას ცენტრალური საარჩევნო კომისიის თავმჯდომარის, თამარ ჟვანიას გადაყენებასა და რიგგარეშე არჩევნების დანიშვნას მოითხოვენ. პარლამენტთან გაიმართა რამდენიმე აქცია, ასევე გაიმართა მსვლელობა ცესკოსკენ, სადაც სპეცრაზმმა წყლის ჭავლის გამოყენებით მომიტინგეები დაშალა.