დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელი, ამირან გამყრელიძე კოვიდპანდემიის მართვაში პენსიაზე გასული ექიმებისა და სტომატოლოგების რესურსის გამოყენებაზე საუბრობს. ბოლო 24 საათში კორონავირუსი 183 სამედიცინო პერსონალს დაუდასტურდა.

როგორც გამრელიძემ საკოორდინაციო სხდომის შემდეგ განაცხადა, ასაკოვანი ექიმების გამოყენება რეანიმაციაში და ჰოსპიტლებში ვერ მოხდება, თუმცა ისინი შეიძლება მიმაგრებული იყვნენ პირველად ჯანდაცვას ან ქოლცენტრებს. გარდა ამისა, გამყრელიძემ განმარტა, რომ ქვეყანაში არის ბევრი სტომატოლოგი, რომელთაც აქვთ სამედიცინო განათლება და შეიძლება იქნეს გამოყენებული.

"მათ ნასწავლი აქვთ საგნები სამედიცინო ინსტიტუტში, კარგად იციან ადამიანის ჯანმრთელობის მონაცემები და შეიძლება მათი გამოყენება კორონავირუსის მართვაში. მეოთხე და მეხუთე კურსის სტუდენტები, რომელთაც ძირითადი კლინიკური საგნები აქვთ გავლილი, თავისუფლად შეიძლება ექიმის ან ექთნის თანაშემწედ იმუშაონ", — განაცხადა გამყრელიძემ.

6 ნოემბერს საქართველოში კორონავირუსის 2 775 ახალი შემთხვევა დადასტურდა.. გამოჯანმრთელდა — 3 560 ადამიანი. გარდა ამისა, გარდაიცვალა 22 ადამიანი.

დღეის მონაცემებით სულ ქვეყანაში კორონავირუსით ინფიცირებულთა რიცხვი 51 993-ია, ხოლო გამოჯანმრთელებულთა ჯამური რიცხვია 37 019, ხოლო გარდაცვლილთა — 423.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: