ამერიკელი ტელეწამყვანი და კომიკოსი ჯიმი კიმელი საპრეზიდენტო არჩევნებს ტვიტერზე აქტიურად ეხმაურება. როგორც იცით, მთავარი კონკურენცია რესპუბლიკელ და ამჟამინდელ პრეზიდენტ დონალდ ტრამპსა და დემოკრატ ჯო ბაიდენს შორის მიმდინარეობს.

განსხვავებული დროის სარტყელის გამო, უბნები ამერიკაში სხვადასხვა დროს დაიხურა და წინასწარი შედეგებიც განახლებად რეჟიმში მუდმივად იცვლება. კიმელმა კი ამ პროცესს ძალიან ზუსტი ალეგორია მოუძებნა:

"ეს არჩევნები ოპერაციის დროს ფხიზლად ყოფნას ჰგავს"

"მე როგორც ვხვდები, ველოდებით, რომელი ფინალით დასრულდება არჩევნები — Avengers: Infinity War-ით თუ Avengers: Endgame-ით"

მარველის ფანები ზუსტად მიხვდებით, რას გულისხმობს კომიკოსი, ხოლო თუ ეს ფილმები ნანახი არ გაქვთ, არ დაგასპოილერებთ.

ფოტო: Marvel

დღეს კიმელის შოუში, Jimmy Kimmel Live! არჩევნების კიდევ ერთი კანდიდატი, კანიე ვესტია მიწვეული, რომელმაც მარათონში მარცხი სულ ცოტა ხნის წინ აღიარა.

ამ მომენტისთვის [14:30pm] ბაიდენს საარჩევნო კოლეგიის 224 ხმა აქვს, ტრამპს კი — 213. პრეზიდენტობისთვის სულ 270 ხმაა საჭირო.

აშშ არჩევნებთან დაკავშირებულ სიახლეებს LIVE რეჟიმში აქ გაეცანით და თან ადევნეთ თვალი On.ge-ის ინტერაქტიულ რუკას.

გაიგეთ მეტი: