Universal Pictures-მა გადაწყვიტა, რომ კრისტოფერ ნოლანის ოდისეაში შესრულებული პენელოპეს როლისთვის, ენ ჰეთეუეი ოსკარზე მეორეხარისხოვანი ქალი მსახიობის ნომინაციაში წარადგინოს.

სტუდია ამ ნომინაციაში ოდისეას კიდევ ერთ მსახიობს — კირკეს როლის შემსრულებელ სამანტა მორტონსაც წარადგენს. შესაბამისად, Universal-ს ექნება შესაძლებლობა, აკადემიის ისტორიაში ყველაზე გავრცელებულ ორმაგ ნომინაციას გამოჰკრას ხელი — მეორეხარისხოვანი ქალი მსახიობის 2 ნომინანტი ერთი და იმავე ფილმიდან. თუმცა, ამას უარყოფითი მხარეც აქვს — ჰეთეუეისა და მორტონს ერთმანეთთან კონკურენცია მოუწევთ.

ენ ჰეთეუიეი

ენ ჰეთეუიეი

ფოტო: IMDb

სამანტა მორტონი

სამანტა მორტონი

ფოტო: IMD

ენ ჰეთეუეიმ პირველი ოსკარი 2013 წელს, სწორედ მეორეხარისხოვანი როლისთვის მოიპოვა. ის მიუზიკლ Les Misérables-ში შესრულებული ფანტინის როლისთვის დაჯილდოვდა.

ოპენჰაიმერის შემდეგ ოდისეა კრისტოფერ ნოლანის პირველი ნამუშევარია. ოპენჰაიმერმა ოსკარის დაჯილდოებაზე საუკეთესო კინოსურათისა და საუკეთესო რეჟისორის ნომინაციებში გაიმარჯვა. რაც შეეხება ოდისეას, მისმა მსოფლიო შემოსავალმა $1.6 მილიარდს გადააჭარბა. ამიტომ, შეიძლება ვივარაუდოთ, რომ მასაც დატვირთული ოსკარების საღამო ელის.