ამ წუთებში, საქართველოს პარლამენტის წინ გაერთიანებული ოპოზიციის აქცია მიმდინარეობს. ოპოზიციონერი პოლიტიკური ლიდერები და მათი მხარდამჭერები საპარლამენტო არჩევნების პირველად შედეგებს აპროტესტებენ.

პარლამენტის წინ აქციაზე იმყოფებიან ლელოს ლიდერები. მათი განცხადებით, არჩევები გაყალბებული და არალეგიტიმურია. ჩატარებულ არჩევნებს არადეოკრატიულს უწოდებს ლელოს გენერალური მდივანი ბადრი ჯაფარიძე.

"წინასაარჩევნო პროცესი მიმდინეს არჩევნები ვერ ჩაითვლება ლეგიტიმურად, იმიტომ, რომ ის არ ასახავს ჩვენი საზოგადოების განწყობებსარეობდა დაშინებით, მოსყიდვით, ადმინისტრაციული რესურსის გამოყენებით. ჩვენ დღეს შევთანხმდით იმაზე, რომ ყველანი ერთად ვაფასებთ ამ არჩევნებს, როგორც არალეგიტიმურს და არ ვცნობთ მის შედეგებს. დანარჩენ ნაბიჯებთან დაკავშირებით ვიმსჯელებთ და ჩვენი პოზიცია გვექნება", — განაცხადა ჯაფარიძემ.

ლელოს ერთ-ერთი ლიდერის, ლანა გალდავას განცხადებით, ხელისუფლება არჩევნებს ბოლო ორი თვის განმავლობაში აქტიურად აყალბებდა.

"ეს ხელისუფლება არის მშიშარა. მიხვდნენ რომ არჩევნებს ვერ მოიგებდნენ და ორი თვით ადრე, მოსყიდვებით, შანტაჟითა და დაშინებით დაიწყეს არჩევნების გაყალბება. ისინი არ დაელოდნენ საბოლოო შედეგებს და სპეცრაზმით შევიდნენ ცესკოში. ისინი ემზადებოდნენ წაგებისთვის და ყველა შესაძლო ზომას მიმართეს. მათ მიიღეს ჯანსაღი პროტესტი და ამ კონსტიტუციის ფარგლებში დავიცავთ ჩვენი დემოკრატიის იდეას. ამავე ფარგლებში მოვითხოვთჩვენი ხმების დაბრუნებას. თუ არა და მათ მოუწევთ სახლებში წასვლა", — აცხადებს ლანა გალდავა.

შეგახსენებთ, რომ 1 ნოემბერს ოპოზიცია სამოქმედო გეგმის გასავლელად ლეიბორისტული პარტიის ოფისში შეიკრიბა და მომავალი კვირიდან აქციების ახალი ტალღაც დააანონსა.