მართალია, რაიან მერფის სერიალი American Horror Story კიდევ ორი სეზონით განაახლეს, მაგრამ ეს ავტორს ხელს არ უშლის იმაში, რომ პარალელურად ახალ შოუზეც იმუშავოს.

შუღლი - ასე ჰქვია სატელევიზიო შოუს, რომელიც ჰოლივუდის ოქროს ხანის, ლეგენდარული მსახიობების ცხოვრებისა და შუღლის შესახებ მოგვითხრობს. ყურადღების ეპიცენტრში კი ბეტ დევისისა და ჯოან კროუფორდის ურთიერთობაა. რეჟისორი და სცენარისტი ჰორორის ჟანრის კლასიკად შერაცხული ფილმის რა დაემართა ბეიბი ჯეინს? კულისებში შეგვახედებს და გვიჩვენებს, თუ რამდენად რთული იყო ერთ-ერთი ყველაზე წარმატებული ამერიკული ფილმის გადაღება მაშინ, როდესაც ლეგენდარული მსახიობები ერთმანეთს არამხოლოდ ფილმში, არამედ გადასაღებ მოედანზეც ექიშპებოდნენ.

ასე რომ მოემზადეთ, თუ ძველი ჰოლივუდის ამბები გაინტერესებთ, აუცილებლად გაიგებთ, რა ხდებოდა გადასაღებ მოედანზე.

როგორც მერფის შეეფერება, სამსახიობო შემადგენლობა ამ შემთხვევაშიც ვარსკვლავური იქნება და მთავარ როლებს - ჯესიკა ლენგი, სიუზან სარანდონი, კეტრინ ზეტა ჯონსი, სარა პოლსონი და ქეთი ბეიტსი შეასრულებენ.

ჯესიკა ლენგი ჯოან კროუფორდის როლს შეასრულებს

სიუზან სარანდონი ბეტ დევისი იქნება

კეტრინ ზეტა ჯონსი ოლივია დე ჰავილანდს განასახიერებს

სარა პოლსონი ჯერალდინა პეიჯის როლს მოირგებს

ქეთი ბეიტსი კი ჯოან ბლონდელის განასახიერებს

სერიალის პრემიერა FX-ზე 2017 წლის 5 მარტს შედგება, მისი პროდიუსერი კი ბრედ პიტი იქნება.