საქართველოს ექსპრეზიდენტი, მიხეილ სააკაშვილი ამბობს, რომ ქართული ოცნება არჩევნებს აყალბებს, ამიტომ იგი "მასობრივ მობილიზაციას" აცხადებს. მისი თქმით, მმართველი პარტიის ლიდერს, ბიძინა ივანიშვილს არ უნდა მიეცეს საშუალება, რომ ქართველი ხალხის არჩევნები მოიპაროს.

"როგორც კი დაღამდა, როგორც კი ხალხის ნაწილი მოეშვა და საზოგადოება ტელეეკრანებს ჩამოეხსნა, ივანიშვილმა დაიწყო მასობრივად გაყალბება შედეგების. მანამდე ხომ ეგზიტპოლებიც აყალბა. რასაც ახლა შვება, არის ლუკაშენკოს და ასეთ რეჟიმებზე კიდევ უფრო პრიმიტიული ბანალურად გაყალბება და ოქმების გადაწერა ყველა საარჩევნო უბანში, გამოცახდება იმისა, რომ ყველა მაჟორიტარი გაიყვანა პოლიტიკურმა ძალამ, რომელმაც წააგო პრაქტიუკლად ყველა მსხვილი დასახლებული პუნქტი საქართველოსი. ახლა ცდილობს 50 პროცენტის დაწერას, რაც ფიზიკურად არა აქვს. მე მინდა მოვუწოდო ყველა ჩვენ აქტივისტს და ჩვენს საარჩევნო უბანში წარმომადგენელს, ბოლომდე იდექით მაგრად, დილამდე გაძელით. დილიდან ვაცხადებთ მასობრივ მობილიზაციას. არ მივცემ ივანიშვილს საშულებაა მოიპაროს ქართველი ხალხის არჩევნები", — განაცხადა სააკაშვილმა.

მან ასევე, მოუწოდა ოპოზიციურ ძალებს, რომ გვერდზე გადადონ კონკურენცია, ეროვნული ერთიანობის მთავრობა შექმნან და ერთად "გასწიონ" ბიძინა ივანიშვილის "ბანდა".