ცენტრალურ საარჩევნო კომისიაში განმარტავენ, რატომ არის უზუსტობა რამდენიმე უბნის შემაჯამებელ ოქმის მონაცემებში და რატომ აქვთ პარტიებს იმაზე მეტი ხმა, ვიდრე ამომრჩეველთა რიცხვია. ცესკოს იურიდიული დეპარტამენტის უფროსის, დავით სანტურიანის განცხადებით, ეს სპეციალური უბნების ამომრჩევლებს უკავშირდება. კერძოდ იმ ფაქტს, რომ მსგავს უბნებზე, ზოგიერთ ამომრჩეველს ჰქონდა მხოლოდ პროპორციული წესით ხმის მიცემის უფლება.

"როგორც საზოგადოებისთვის ცნობილია, სულ შეიქმნა 127 საარჩევნო უბანი და ამ უბნებზე 311 გადასატანი საარჩევნო ყუთით მიმდინარეობდა კენჭისყრის პროცესი. ზოგიერთ უბანთან დაკავშირებით, ერთეულ შემთხვევებში, იყო შემთხვევები, როდესაც გადასატანი საარჩევნო ყუთები დაილუქა და უბანზე დათვლის გარეშე გადაეცა დასათვლელად და შემდგომი რეაგირებისათვის ზემდგომ საოლქო საარჩევნო კომისიებს. შესაბამისად, აღნიშნული უბნების შედეგების შემაჯამებელ ოქმებში არ არის ასახული დალუქული გადასატანი ყუთების მონაცემები და შემდგომში საოლქო საარჩევნო საარჩევნო კომისიის გადაწყვეტილების შესაბამისად აისახება შემაჯამებელ ოქმებში.

ამავდროულად, ზოგიერთ შემთხვევებში ამომრჩევლების ხელმოწერების რაოდენობის ჯამი და ამომრჩევლების ხელმოწერების რაოდენობა აღემატება ბათილი ბიულეტენებისა და სუბიექტებისთვის მიცემული ხმების ჯამს, რაც ბუნებრივია, რადგანაც სპეციალურ უბნებზე, რიგი ამომრჩევლის შემთხვევებში, ამომრჩეველს არ ჰქონდა, გარდა პროპორციულისა მაჟორიტარული ან სხვა წესით ხმის მიცემის უფლება", — განაცხადა მან.

საარჩევნო უბნების დალუქვიდან თითქმის შვიდი საათი გავიდა და პირველადი მონაცემები ამ დრომდე უცნობია. ცესკოს ვებგვერდზე სხვადასხვა ოლქის მონაცემები