ძლიერი საქართველოს ერთ-ერთმა ლიდერი ლევან ცუცქირიძე იმავე ოპოზიციის ერთ-ერთი ლიდერის, ნიკა გვარამიას ბრიუსელში ვიზიტის შესახებ ინფორმაციას გამოეხმაურა.

"საგარეო ფორმატში ჩვენი ურთიერთობა ევროპელ პარტნიორებთან. ჩვენი პოზიციების მათთვის თქმა, განმარტება", — ამბობს ცუცქირიძე.

ამასთან, იგი აღნიშნავს, რომ ამ ბრძოლას სჭირდება ყველა მიმართულებით მუშაობა.

"ზუსტად არ ვიცი, ვინ წავიდა, მაგრამ მნიშვნელოვანია საგარეო ფორმატში ჩვენი ურთიერთობა ჩვენ ევროპელ პარტნიორებთან, ჩვენი პოზიციების მათთვის თქმა, განმარტება. ასე რომ, ჩვენ ხან ვიქნებით აქციაზე, ხან ვიქნებით დიპლომატიაში, ხან ვიქნებით სხვაგან. ეს არის ბრძოლა, რომელსაც სჭირდება ყველა მიმართულებით მუშაობა", — განაცხადა ცუცქირიძემ.

მისივე მტკიცებით, ოპოზიციის გეგმა სწორედ ის რჩება, რაც ოპოზიციის ლიდერებმა არაერთხელ გამოაცხადეს.

"ეს არის ბრძოლა სამოქალაქო პროტესტის საშუალებით, სამართლებრივი და სხვა პოლიტიკური მეთოდების გამოყენებით და ეს არის ბრძოლა დიპლომატიურ ფრონტზე.

ამ გეგმას მივყვებით. დღეს არაფერი მთავრდება. დღეს იწყება ახალი ეტაპი. ეს არ არის პარლამენტი.დღეიდან ეს იქნება უკვე თვითმარქვია, თვითგამოცხადებული პარლამენტი, რომელიც არ ასახავს ქართველი ხალხის დემოკრატიულ ნებას. ეს არის პარლამენტი, რომელსაც არ აქვს პრეზიდენტის ლეგიტიმაცია, არ აქვს ხალხის ლეგიტიმაცია და საერთაშორისო მეგობრების ლეგიტიმაცია", — თქვა მან.