ერთიანობა-ნაციონალური მოძრაობის ერთ-ერთი ლიდერის, გიორგი ვაშაძის განცხადებით, მან პარლამენტს სადეპუტატო მანდატის შეწყვეტაზე ოფიციალურად მიმართა. ამის შესახებ მან პარლამენტთან მიმდინარე აქციაზე განაცხადა.

როგორც ვაშაძემ აღნიშნა, ამ საკითხზე კოლეგებთან არ ჰქონია საუბარი, თუმცა დარწმუნებულია, რომ სხვა ოპოზიციონერებიც იმავეს მოიმოქმედებენ.

"პირადად მე უკვე გავაგზავნე განცხადება ამ თვითმარქვია ორგანოში, რომელსაც ისინი პარლამენტს უწოდებენ და დაუყოვნებლივ მოვითხოვ, შეწყდეს ჩემი მანდატი. დაუყოვნებლივ მოვითხოვ, მიიღონ გადაწყვეტილება, რომ გაუქმდეს მათთან ჩემი ყოველგვარი კავშირი. მე ამ თვითმარქვია დაჯგუფებასთან არანაირი კავშირი არ მექნება. ვიქნები თქვენთან ერთად ბოლომდე, რათა გამარჯვება მოვიპოვოთ. დარწმუნებული ვარ, ჩემი კოლეგებიც იმავეს გააკეთებენ, უბრალოდ, მე აქ ვარ და აქედან მოგმართავთ", — განაცხადა გიორგი ვაშაძემ.