გაკვეთილის არევა ვის აწყობს, ვინც გაკვეთილი იცის, თუ არ იცის? გაკვეთილის არევა უნდა იმას, ვინც გაკვეთილი არ იცის, — ამის შესახებ პარლამენტში გამართულ ბრიფინგზე პარლამენტის უხუცესმა წევრმა, ლადო კახაძემ განაცხადა. სწორედ ის გაუძღვება 12 საათზე XI მოწვევის პარლამენტის სხდომას.

"გაკვეთილის არევა ვის აწყობს, ვინც გაკვეთილი იცის, თუ არ იცის? გაკვეთილის არევა უნდა იმას, ვინც გაკვეთილი არ იცის"გაკვეთილის არევა ვის აწყობს, ვინც გაკვეთილი იცის, თუ არ იცის? გაკვეთილის არევა უნდა იმას, ვინც გაკვეთილი არ იცის. ხელისუფლება რომელიც 12 წელიწადია დიდი პრობლემების მოგვარების გზაზე სწორად მართავს ქვეყანას, იმან გაკვეთილიც იცის, იმან ასოცირების ხელშეკრულების 50%-იც შეასრულა, კიდევ 90%-ს შეასრულებს 2028 წლისთვის და ყველა კანდიდატ ქვეყანასთან შედარებით უპირატესი იქნება ევროკავშირში გაწევრიანებისთვის", — განაცხადა ლადო კახაძემ ბრიფინგზე.

მისი თქმით, პრეზიდენტის სარჩელი და განცხადებები პარლამენტის სხდომის არალეგიტიმურობასთან დაკავშირებით არ უშლის ხელს იმას, რომ პარლამენტმა მუშაობა დაიწყოს.

„გასაჩივრება სხდომის წარმოებას ხელს არ უშლის. 5-ჯერ აღარ შემეკითხოთ, მე რახან ერთხელ გითხარით, ამას არ გადავთქვამ და ეს ეფუძნება კონსტიტუციონალისტების ნააზრევს“, — განაცხადა ლადო კახაძემ.