პარლამენტის თავმჯდომარემ, შალვა პაპუაშვილმა ჟურნალისტის კითხვის პასუხად ოპოზიციაზე კომენტარი გააკეთა და განაცხადა, რომ "არავითარი მნიშვნელობა ამ რადიკალური ჯგუფების პარლამენტში ყოფნას არ აქვს".

მანვე აღნიშნა, რომ მათ გადასაწყვეტია პარლამენტში შევლენ თუ არა და უპირველეს ყოვლისა ეს მათი ამომრჩევლების წინაშე პასუხისმგებლობის საკითხია.

"რაც შეეხება იმას, უარს იტყვიან თუ არა მანდატებზე, ალბათ ორ საათში ვცნობთ პარლამენტის უფლებამოსილებას და ვნახოთ რამდენი დაწერს განცხადებას მანდატებზე უარის თქმასთან დაკავშირებით", — აღნიშნა პაპუაშვილმა.