საპატრულო პოლიციის დეპარტამენტის დირექტორის, ვაჟა სირაძის თქმით, გუშინდელი აქციის დროს შემჩნეული იყო ძალადობის ფაქტები და აქციის მონაწილეებს მოუწოდა, რომ ძალადობა დაუსჯელი არ დარჩება.

სირაძის თქმით, ყველა ის პირი, ვინც პოლიციის მიმართ მსგავსი სახის საქციელს გამოავლენს, უმკაცრესად იქნება დასჯილი.

"აქციის ერთ-ერთმა მონაწილემ, რაც დაფიქსირებულია კიდეც სხვადასხვა ტელევიზიის მიერ, იძალადა საპატრულო პოლიციის თანამშრომელზე. ფაქტზე მყისიერად დაიწყო გამოძიება. პირი დაკავებულია. მოვუწოდებ აქციის მონაწილეებს, რომ უმკაცრესად იქნება დასჯილი ყველა ის პირი, ვინც დაარღვევს კანონს და განსაკუთრებით პოლიციელის მიმართ მსგავსი ხასიათის საქციელს გამოავლენს. ყველასთვის მიუღებელი და ცუდი ფაქტია. როგორც აქციის მონაწილეებს, ასევე ორგანიზატორებს კარგად უნდა ესმოდეთ, რომ ამგვარი სახის ძალადობა არ დარჩება დაუსჯელი", – აღნიშნა ვაჟა სირაძემ.

ცნობისთვის, აქციაზე პოლიციელზე თავდასხმის ბრალდებით ერთი ადამიანი დააკავეს.