ამ წუთებში პარლამენტის უკანა შესასვლელთან ხალხი იკრიბება. ხალხთან ერთად იმყოფებიან ოპოზიციური პარტიების — კოალიცია ცვლილებების, კოალიცია ძლიერი საქართველოს, გახარია საქართველოსთვის წარმომადგენლები.

პარლამენტთან და მიმდებარე ქუჩებზე სამართალდამცავები არიან განლაგებული. საპატრულო პოლიციისა და კრიმინალური პოლიციის თანამშრომლებმა, ჭიჭინაძის ქუჩა გაათავისუფლეს და ზუბალაშვილისა და ჭიჭინაძის ქუჩის კვეთაზე განლაგდნენ. მათ პარლამენტის უკანა შესასვლელამდე კორდონი აქვთ გაკეთებული, სადაც ავტომობილების გადაადგილება შეინიშნება. სავარაუდოდ პარლამენტის შენობაში მმართველი პარტია "ქართული ოცნების" წევრები შედიან.

პოლიციის ავტობუსები და წყლის ჭავლის მანქანები დგას თავისუფლების მოედანზე.

დღეს 12:00 საათზე პარლამენტის მე-11 მოწვევის პირველი სხდომა გაიმართება, სადაც მე-11 მოწვევის პარლამენტის უფლებამოსილების ცნობა მოხდება.

თავისუფლების მოედანი

თავისუფლების მოედანი

საპოლიციო ძალები თავისუფლების მოედანზე

საპოლიციო ძალები თავისუფლების მოედანზე