ქართული ოცნების გენერალურმა მდივანმა, კახა კალაძემ ექსპრემიერ მიხეილ სააკაშვილს მოუწოდა, თავის სამსახურზე იზრუნოს, რადგან, მისი თქმით, აქვს ინფორმაცია, რომ "გამოგდებას უპირებენ". ასე გამოეხმაურა ის სააკაშვილის მიმართვას, რომელიც მან ეგზიტპოლის შედეგების შემდეგ გაავრცელა.

"მიხეილ სააკაშვილს შეუძლია, იზრუნოს თავის სამსახურზე უკრაინაში. მე როგორც მაქვს ინფორმაცია მას გამოგდებას უპირებენ და მისი მთავარი საზრუნავი იქნება, როგორმე შეინარჩუნოს სამსახური უკრაინაში", — განაცხადა მან.

სააკაშვილის განცხადებით, თანამდებობა არ სურს, მაგრამ მზად არის, რომ ყველას დაუპირისპირდეს, ვინც ხალხზე ხელს აიღებს.

"მე მზად ვარ, თუ ისინი წავლენ რაღაც დარღვევებზე, ამ ბრძოლაში ფიზიკურადაც ჩემი ყოფნით ბოლომდე ჩავერთო. მაგრამ არ ვირჩევ არავის კონფრონტაციას, ჩვენ ყველანი ვართ ერთი ერის შვილები, ჩავატაროთ მშვიდობიანი გადაცემა პროცესის, მათ გავლილი აქვთ ჩვენთან, როგორ გამოიყურება ეს. ეს გამოიყურება მშვიდად წყნარად, მზად ვართ კონსტრუქციულად ვითანამშრომლოთ. გარანტიას ვაძლევთ, რომ არანაირი რეპრესიები არ იქნება არც ერთი წინა მთავრობის წევრის მიმართ, მით უმეტეს, საჯარო მოხელეებს საერთოდ არავინ შეეხება", — განაცხადა მან.

4 სხვადასხვა ტელევიზიის დაკვეთილი ეგზტიპოლის მიხედვით, მმართველი გუნდი სხვადასხვა პროცენტით ლიდერობს.

ეგზიტპოლების შესახებ

არჩევნების დღეს ეგზიტპოლები დამოუკიდებელმა ორგანიზაციებმა, მედიებმა და ISFED-მა ჩაატარეს. მათი შედეგები 8 საათზე გავრცელდა.

• წელს არჩევნებზე ეგზიტპოლს ამერიკულ კომპანია Edison Research ტელეკომპანია ფორმულას დაკვეთით ატარებს.
• მთავარი არხისთვის ეგზიტპოლებს ატარებს ფრანგული კომპანია IPSOS.
• რუსთავი 2-სთვის ეგზიტპოლებს ბრიტანული კვლევითი კომპანია Survation ატარებს.
• ტელეკომპანია იმედის დაკვეთით კი ეგზიტპოლებს ამერიკული კომპანია Public Opinion Strategies ატარებს.

არჩევნების დღეს ხმებს პარალელურად ითვლის არასამთავრობო ორგანიზაცია სამართლიანი არჩევნებისა და დემოკრატიის საერთაშორისო საზოგადოებაც (ISFED).

ედისონს საქართველოში სხვადასხვა დროს აქვს ეგზიტპოლი ჩატარებული. იუსტიციის სამინისტროს მიერ გამოქვეყნებული ინფორმაციით, IPSOS 2019 წელს ატარებდა კვლევას საქართველოში სასამართლო რეფორმების შესაფასებლად. Survation და Public Opinion Strategies კი საქართველოში ეგზიტპოლებს პირველად ატარებენ.

• ფორმულას ეგზიტპოლი: უარი პასუხზე — 50%, "ოცნება" — 46%, ენმ და ძალა ერთობაშია — 28%, ევროპელები — 5%
• რუსთავი 2-ის ეგზიტპოლი: "ოცნება" — 52, 26%; გაერთიანებული ოპოზიცია — ძალა ერთობაშია — 25, 33%
• იმედის ეგზიტპოლის შედეგები: ქართული ოცნება — 55%, ენმ და ძალა ერთობაშია — 23%
• იმედის ეგზიტპოლი: ევროპულ საქართელოს, ლელოს, პატრიოტთა ალიანსს, სტრატეგია აღმაშენებელსა და გირჩს 3% აქვთ

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე:

• როგორ დავიცვათ თავი Covid-19-ისგან არჩევნებში ხმის მიცემის დროს;
• რატომ უნდა წავიდეთ არჩევნებზე;
• როგორ მივცეთ ხმა არჩევნებზე;
• ყველაფერი, რაც ცნობილია ახალ 120/30 სისტემაზე — მოკლედ;
• რას ნიშნავს პროპორციული საარჩევნო სისტემა და რატომაა უკეთესი — მოკლედ