პრემიერმინისტრი გიორგი გახარიას განცხადებით, თუ ამდენი წელია ერთი და იგივე პრობლემა არსებობს და აქამდე ვერ მოაგვარეს, ის ან უმნიშვნელოა და მას საარჩვენო იყენებენ, ან ორგანიზაციებმა უფრო ეფექტურად უნდა იმუშაონ. ამის შესახებ მან საკოორდინაციო საბჭოს დასრულების შემდეგ ისაუბრა.

"როგორც კი არჩევნები დადგება, გამოდის ზოგიერთი ორგანიზაცია და იტყვის, რომ შემომწირველი შემდგომ იგებს ტენდერებს... თუ სადმე მსგავსი უხეში ან არა უხეში კანონდარღვევაა, შესაბამისი NGO-ები ან სამოქალაქო ორგანიზაციები არსებობენ იმისთვის, რომ მათი პირველად ნათქვამი სიტყვა, მათი ვერსია ბოლომდე მიიყვანონ. ქვეყანაში ამისთვის ყველაფერი არსებობს", — განაცხადა გახარიამ.

მისივე თქმით, არასამთავრობო ორგანიზაციები ბოლო წლების განმავლობაში ერთსა და იმავე დარღვევებზე საუბრობენ.

"თუ ჩვენ ამ ერთ პრობლემა ვერ მოვერიეთ ამ ხნის განმავლობაში, ან ეს ერთი პრობლემა არ არის მნიშვნელოვანი და ვიღაცა ამ პრობლემას იყენებს წინასაარჩევნო კონტექსტში, ან ცოტა უფრო უკეთესი სამოქალაქო ორგანიზაციები გვჭირდება ქვეყანაში... ალბათ, უფრო ეფექტური, ბოდიში. უკეთესი უფრო შეფასებითია... უფრო ეფექტური", — აღნიშნა გახარიამ.

როგორც კი არჩევნები დადგება, გამოდის ზოგიერთი ორგანიზაცია და იტყვის, რომ შემომწირველი შემდგომ იგებს ტენდერებს...