ზამთარი გვიახლოვდება და დროა დავგეგმოთ სუსხიანი დღეები, გამოვიდეთ კომფორტის ძველი ზონიდან და ახალი, საინტერესო ცხოვრება დავიწყოთ. ზამთრის თბილ ოთახში, ტახზე გატარების ნაცვლად ვარჯიში და სიჯანსაღეზე ზრუნვა როგორც ფიზიკურ, ასევე მენტალურ ჯანმრთელობასაც გაგვიუმჯობესებს.

როგორც ცნობილია, ზამთარში ვარჯიშის დროს უფრო მეტ კალორიას ვწვავთ, ვიდრე სხვადასხვა აქტივობების სიცხეში შესრულებით. ამის მიზეზი მარტივია — სიცივის დროს მეტი ენერგიის დახარჯვა გვჭირდება სხეულის ტემპერატურის გასაზრდელად. დამწვარი კალორიების რაოდენობა 10-დან 40%-მდე აღემატება ზაფხულში დახარჯულს.

პანდემიის პირობებში, იმუნიტეტის გაძლიერება და ჯანმრთელობაზე ზრუნვა ისეთი პრიორიტეტულია, როგორც არასდროს. დღეს მოგიყვებით იმ 5 სპორტულ აქტივობაზე, რომელიც ზამთრისთვის იმუნიტეტსაც გაგიძლიერებთ და სიჯანსაღის შენარჩუნებაშიც დაგეხმარებათ.

1. ფიტნესი

ფიტნესი სხეულში სისხლის მიმოქცევას აუმჯობესებს და სასუნთქი გზებიდან ბაქტერიების გამოდევნაში გვეხმარება. ვარჯიშის დროს ტემპერატურის მცირე მომატებას, შესაძლოა, დამცავი ეფექტი ჰქონდეს, რადგან ის ამცირებს სტრესს და აძლიერებს ანტისხეულებს, რომლებიც ინფექციის დამარცხებაში გვეხმარებიან.

2. აერობიკა

აერობიკა ხელს უწყობს სისხლის მიმოქცევას სხეულში და აძლიერებს გულს. ზრდის სხეულის ტემპერატურას, რამაც, შესაძლოა, ბაქტერიების ზრდას ხელი შეუშალოს.

აერობიკა წონის შემცირებაშიც დაგეხმარებათ. სხეულში ცხიმოვანი უჯრედების დაბალი დონე მათ მიერ გამოყოფილი ანთებითი ქიმიკატების რაოდენობასაც ამცირებს, რაც ინფექციის რისკს აქვეითებს.

უკეთ მუშაობენ ფილტვებიც, გაზრდილი ჟანგბადის ოდენობა კი ფილტვებიდან და სასუნთქი გზებიდან ბაქტერიების გამოდევნაში გვეხმარება.

აერობიკის ვარჯიშებში შედის:

• ველოსიპედი;
• სირბილი;
• ხტომა და ა.შ.

3. კრივი

კრივიც აერობიკის ერთ-ერთი სახეა. ის გულს შეკუმშვაში და სისხლის საკმარისი რაოდენობით ამოტუმბვაში ეხმარება, რაც სუნთქვას აუმჯობესებს და სისხლის მაღალი წნევის რისკს ამცირებს. კრივი გულის დაავადებებისგან და დიაბეტისგან გვიცავს. ის კალორიების დაწვასთან ერთად აძლიერებს კუნთებს, ძვლებს და გუნება-განწყობილებას გვიმაღლებს.

4. ცურვა

უამრავმა კვლევამ აჩვენა, რომ ცივი წყალი იმუნური სისტემაზე დადებითად მოქმედებს. ის აუმჯობესებს სისხლის მიმოქცევას და აძლიერებს მის თეთრ უჯრედებს, რადგან სხეული ტემპერატურის ცვლილებაზე მოქმედებს. დროდადრო, ის მის წინააღმდეგ სიმტკიცეს იძენს და წინააღმდეგობის გაწევას სწავლობს.

5. ჩოგბურთი

ტენისი სპორტის ერთ-ერთი ყველაზე უსაფრთხო სახეობაა, რომლის დროსაც ფიზიკური ზიანის რისკი მინიმალურია. ის სტრესისგანაც გვათავისუფლებს და ბევრად ეფექტურია, ვიდრე ბრაზის მართვის სეანსები.

ჩოგბურთს მენტალურ სპორტსაც უწოდებენ, რადგან ის კარგია არამხოლოდ სხეულისთვის, გონებისთვისაც. თამაშის დროს, მოძრაობაშია სხეულის თითქმის ყველა კუნთი, რაც გამძლეობას გვივითარებს. ამასთან ერთად, ვარჯიშს განტვირთვისა და სოციალიზაციის დანიშნულებაც აქვს. ჩოგბურთით თამაში ნებისმიერი ასაკის ადამიანს შეუძლია, მათ შორის, 3 წლის ბავშვებსაც.

ფიზიკური აქტივობა და სწორი კვება ძილის მოწესრიგებაშიც გვეხმარება, რაც ვარჯიშის კიდევ ერთი დამატებითი ბონუსია, რადგან დაღლილი სხეული ბაქტერიების საყვარელი ადგილია.

FitPass — დაიწყეთ ვარჯიში მხოლოდ ერთი ბარათით

FitPass უკვე წელიწადზე მეტია საქართველოში ჯანსაღი ცხოვრების წესის განვითარებაზე ზრუნავს. ფიტპასი მომხმარებლებს სთავაზობს ერთ ბარათს, ერთი სააბონენტო გადასახადით, რომლის მეშვეობითაც კომპანიის თანამშრომლებსა და მათი ოჯახის წევრებს საქართველოს 120-ზე მეტი სპორტული ობიექტის 40-ზე მეტი სხვადასხვა სერვისით, სპორტული მიმდინარეობითა თუ დაწესებულებით — მათ შორის ფიტნესით, აუზით, ჩოგბურთით, აკვა-აერობიკით, კრივით, ზუმბათი, იარაღის სროლით, პილატესით, იოგით, კლდეზე ცოცვით, მშვილდოსნობით, ცეკვით, აერობიკითა და კიდევ 30+ აქტივობით — ერთდროულად სარგებლობა შეუძლიათ ნებისმიერ დროს, ყოველგვარი შეზღუდვების გარეშე.

ეს ბევრად უფრო კომფორტული და მომგებიანია, ვიდრე შესაბამისი სერვისების ცალკეული აბონემენტების შეძენა.

ამავე თემაზე:

• ერთი ბარათი, მეტი შესაძლებლობა — ჯანსაღი ცხოვრების წესი FitPass-თან ერთად;
• 7 მიზეზი, თუ რატომ არის შემოდგომა საუკეთესო დრო ვარჯიშის დასაწყებად.