დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, თბილისსა და ქუთაისში, ანუ იქ, სადაც კორონავირუსის მაღალი მაჩვენებლები ფიქსირდება, შეიძლება ანტიგენზე დამყარებულ სწრაფ ტესტებზე გადავიდნენ. მისი განცხადებით, აღნიშნული დღეს საკოორდინაციო საბჭოს სხდომაზე განიხილეს.

"მოგეხსენებათ, ჯანმრთელობის მსოფლიო ორგანიზაციამ მისცა დასტური რამდენიმე კომპანიის მიერ დამზადებულ ანტიგენზე დამყარებულ ტესტს, რომელიც იგივე ნაცხში კეთდება და 15-20 წუთში გაძლევს პასუხს. ამ დიფერენციალური დიაგნოსტიკისთვის, თბილისში, სადაც დიდი რაოდენობაა და ქუთაისში, ცხელებიან და სიმპტომებიან ადამიანებს ჩაუტარდებათ", — განაცხადა გამყრელიძემ.

მისი თქმით, საქართველოში კორეული წარმოების ანტიგენზე დაფუძნებული ტესტი აქვთ და მისი დახმარებით ცხელების ცენტრებში სწრაფი დიფერენციალური დიაგნოსტიკა მოხდება.

დღეს საქართველოში კორონავირუსის 1 194 ახალი შემთხვევა გამოვლინდა. მათგან 425, აჭარაში —193, იმერეთში კი, 372. სხვა რეგიონების მიხევდით გადანაწილება ასეთია:

  • გურია — 21;
  • სამგეგრელო-ზემო სვანეთი — 27;
  • ქვემო ქართლი — 53;
  • შიდა ქართლი — 64,
  • მცხეთა მთიანეთი — 18;
  • კახეთი — 3;
  • რაჭა ლეჩხუმი-ქვემო სვანეთი — 9;
  • სამცხე ჯავახეთი — 9.

სულ ქვეყანაში 19 857 შემთხვევაა დაფიქსირებული. ამათგან 8 666 პაციენტი გამოჯანმრთელდა და 158 გარდაიცვალა. კარანტინის რეჟიმშია 6 407 ადამიანი, სტაციონარში მეთვალყურეობის ქვეშ — 2 862; კოვიდ სასტუმროში მყოფი პირები — 1420.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: