მარნეულის მუნიციპალიტეტის ერთ-ერთი სკოლის დირექტორმა მოსწავლეს ფიზიკური შეურაცხყოფა მიაყენა.

რადიო მარნეულის ინფორმაციით, შემთხვევა 12 ოქტომბერს მოხდა. მედიის ცნობით, არასრულწლოვნის ოჯახის წევრები ამბობენ, რომ ბავშვს დირექტორი ფიზიკურად რამდენჯერმე გაუსწორდა და მას პირველადი დახმარება პედაგოგმა გაუწია.

შინაგან საქმეთა სამინისტროში On.ge-ს უთხრეს, რომ საქმეზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.