ლგბტ საქართველოს განცხადებით, 17 მაისს არცერთი ლგბტ ორგანიზაცია, უსაფრთხოების მაღალი რისკებიდან გამომდინარე, რაიმე სახის საჯარო შეკრებას არ გეგმავს. მათი განმარტებით, გაურკვეველ პირთა ჯგუფი, სახელად მრავალფეროვანი საქართველო, დღეს მსვლელობის მოწყობას ყოფილი პარლამენტის შენობიდან თავისუფლებს მოედნამდე აპირებს:

"წელს დამოუკიდებელი ლგბტ აქტივისტების მიერ საჯარო შეკრების ორგანიზების მცდელობასაც სახელმწიფოს მხრიდან არ მოყვა ადეკვატური რეაქცია და მათ ვერ მიიღეს უსაფრთხოების ისეთი გარანტიები, რომელიც მათ აქციის ჩატარების საშუალებას მიცემდა".

ორგანიზაცია მოუწოდებს საზოგადოებას, არ შევიდნენ შეცდომაში და არ აყვნენ გაურკვეველი ჯგუფების მიერ დაანონსებულ პროვოკაციულ ღონისძიებებს.

დღეს, 17 მაისს, ჰომოფობიასთან და ტრანსფობიასთან ბრძოლის საერთაშორისო დღეა, თუმცა ლგბტ აქტივისტები მშვიდობიან დემონტრაციას, უსაფრთხოებასთან დაკავშირებული მაღალი რისკებიდან გამომდინარე, ვერ ატარებენ.

მას შემდეგ, რაც 2013 წლის 17 მაისს მართლმადიდებელმა სასულიერო პირებმა ლგბტ აქტივისტებს თბილისში, თავისუფლების მოედანზე არ მისცეს ამ დღის აღნიშვნის უფლება და აქცია დაარბიეს, 2014 წელს, მართლმადიდებელი ეკლესიის კათალიკოს პატრიარქმა ილია მეორემ 17 მაისი ოჯახის სიმტკიცის დაცვის დღედ გამოაცხადა. სწორედ მას შემდეგ, ამ დღეს მართლმადიდებელი მრევლი რუსთაველის გამზირზე ხატებით მსვლელობას აწყობს სამების ტაძრისკენ. მსგავსი მსვლელობა დაგეგმილია დღეს, 2016 წლის 17 მაისსაც.

17 მაისი თბილისში: დაკავებულია ათი LGBT აქტივისტი