ილონ მასკის ძმის, კიმბალ მასკის კვების რევოლუცია

კიმბალ მასკმა, ილონის ძმამ, ნიუ-იორკში ახლახან სასათბურე მეურნეობა გახსნა, რომლის უნიკალურობაც იმაში მდგომარეობს, რომ მთლიანად საზღვაო გადაზიდვებისთვის განკუთვნილი კონტეინერებისგან არის აგებული. კიმბალ მასკი ცდილობს ადამიანების კვების წესი შეცვალოს. მასკი საკუთარ გამოგონებას "ნამდვილი საჭმლის რევოლუციას" უწოდებს.

10 წელიწადზე მეტია, რაც კიმბალ მასკი რესტორნების ქსელს მართავს. მათ შორისაა The Kitchen და Next Door. აღნიშნულ დაწესებულებებში კერძების ინგრედიენტები მკაცრად კონტროლდება და მზადდება ადგილობრივად წარმოებული ბოსტნეულითა და ხორცით.

2011 წელს მასკმა დაიწყო არაკომერციული პროგრამა "ისწავლე ბაღის გაშენება", რომელშიც 300 სკოლა ჩაერთო. პროგრამის ფარგლებში ბავშვები სოფლის მეურნეობას სწავლობენ.

2016 წლის ნოემბრის დასაწყისში ბრუკლინში მასკმა და მისმა თანამოაზრემ, ტობიას პეგასმა დაიწყეს პროექტი Square Roots - ქალაქის სასათბურე მეურნეობის პროგრამა.

კონსტრუქცია შედგება ფოლადის 10 საზღვაო კონტეინერისგან. ტრადიციული გარე სასათბურე მეურნეობისგან განსხვავებით, ვერტიკალურ სასათბურე მეურნეობებში ბოსტნეული იზრდება ნიადაგისგან მოშორებით, LED განათების ქვეშ.

12-თვიანი პროგრამიდან 6 კვირა უკვე გავიდა და მეწარმეებმა პირველი მოსავალი უკვე მიიღეს.

კონტეინერებისგან აგებულ სათბურში Businessinsider-ის ჟურნალისტი. გთავაზობთ ფოტოებს მისი რეპორტაჟიდან.