ლელოს ლიდერები, მამუკა ხაზარაძე, ბადრი ჯაფარიძე და გრიგოლ გეგელია ეუთოს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) სადამკვირვებლო მისიის ხელმძღვანელს, ჯილიან სტირკს, შეხვდნენ.

შეხვედრა დახურულ ფორმატში ჩატარდა, სადაც, როგორც პარტიაში ამბობენ, განიხილეს რთული წინასაარჩევნო გარემო, რომელიც იქმნება, ქართული ოცნების ხელისუფლების წახალისებული ძალადობრივი ჯგუფების მიერ. საუბარი შეეხო იმასაც, თუ როგორ უნდა ჩატარდეს ქვეყანაში დემოკრატიული არჩევნები.

შეხვედრაზე იმსჯელეს ლელოს ხედვაზეც, საქართველოში დემოკრატიის განახლებისა და ამ მიმართულებით დარღვეული ბალანსის აღდგენის შესაძლებლობებზე.

პარტიაში ამბობენ, რომ ლელო მიესალმება საქართველოს დასავლელი პარტნიორებისა და მეგობრების მიერ წინასაარჩევნო პერიოდში გამოჩენილ ყურადღებას.