დიდი ბრიტანეთის სამეფო ოჯახის პატარა წევრებმა, პრინცმა ჯორჯმა, პრინცესა შარლოტამ და პრინცმა ლუისმა ბრიტანელი ისტორიკოსი, ნატურალისტი და სატელევიზიო წამყვანი დევიდ ატენბორო გამოჰკითხეს. ვიდეო კენსინგტონის სასახლის ინსტაგრამზე გამოქვეყნდა. ეს პირველი შემთხვევაა, როცა ქეით მიდლტონისა და პრინცი უილიამის შვილები კამერის წინ საჯაროდ საუბრობენ.

პირველი კითხვა პრინც ჯორჯს ეკუთვნოდა. მან ატენბოროს ჰკითხა, რომელი ცხოველი იქნებოდა შემდეგი, რომელსაც გადაშენების საფრთხე დაემუქრებოდა? რასაც მეცნიერმა უპასუხა, რომ იმედოვნებდა არცერთი.

"ჩვენ მათ დასაცავად ბევრი რამის გაკეთება შეგვიძლია".

ჯორჯი დიდი ბრიტანეთის მომავალი მეფეა. ბაბუის, პრინცი ფილიპისა და მამის, პრინცი უილიამის შემდეგ ის რიგით მესამეა, რომელსაც სამეფო გვირგვინი შესაძლოა ერგოს.

ფოტო: ქეით მიდლტონი

ფოტო: ქეით მიდლტონი

ფოტო: ქეით მიდლტონი

"გამარჯობა დევიდ ატენბორო. მე ობობები მიყვარს. შენც გიყვარს ობობები?" — ჰკითხა 5 წლის პრინცესა შარლოტამ ისტორიკოსს, რაზეც ატენბორო დაეთანხმა და უთხრა, რომ ფეხსახსრიანები მასაც მოსწონს.

"არ მესმის ადამიანებს მათი რატომ ეშინიათ, ალბათ იმიტომ, რომ 8 ფეხი აქვთ? ეს ბევრად მეტია, ვიდრე ჩვენ გვაქვს. 8 ფეხი კი ნიშნავს, რომ ყველა მიმართულებით შეუძლიათ გაქცევა. თუმცა, იმის ყურება, როგორ აგებენ ქსელებს, საოცარი სანახავია" — დასძინა მან.

ფოტო: Duchess of Cambridge

ფოტო: Duchess of Cambridge

ფოტო: Duchess of Cambridge

შემდეგი კითხვა კი ყველაზე პატარას, 2 წლის პრინც ლუისს ეკუთვნოდა.

"რომელი ცხოველი მოგწონს?" — ჰკითხა მან ისტორიკოსს.

"მე მგონი, მაიმუნები, ისინი ხომ ასეთი მხიარულები არიან. თუმცა, სახლში მათი ყოლა არ შეიძლება, ისინი ტყეს და ველურ გარემოს ეკუთვნიან", — უპასუხა ატენბორომ.

პრინცი ლუისი

ფოტო: Duchess of Cambridge

პრინცი ლუისი

ფოტო: Duchess of Cambridge

პრინცი ლუისი

ფოტო: Duchess of Cambridge

ოჯახმა დევიდ ატენბორო კენსინგტონის სასახლეშიც მიიწვია. ინსტაგრამის პოსტის მიხედვით, ნატურალისტმა პრინც ჯორჯს გიგანტური ზვიგენის კბილი აჩუქა.