დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის თქმით, აჭარაში კლინიკური მედიკოსების დეფიციტი არ შეიქმნება. ამის შესახებ მან საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

"აჭარის რეგიონში წინა კვირაში იმყოფებოდა მარინა ეზუგბაია. ასევე იყვნენ სხვა ექიმებიც, რომლებიც აქტიურად მონაწილეობდნენ Covid-19-ის მართვის პირველ ეტაპზე. ამ კვირაში ასევე არიან მივლენილი იქ ექიმები სხვადასხვა კლინიკიდან, რომლებსაც აქვთ გამოცდილება და ასევე, ბატონი თენგიზ ცერცვაძე, როგორც აქამდე, განაგრძობს კლინიკური ჯგუფის ხელმძღვანელობას, ისიც იქნება ბათუმში. აქედან გამომდინარე, ჩვენ არ ვთვლით, რომ აჭარაში რაიმე სახის კლინიკური მედიკოსების დეფიციტი შეიქმნას", — განაცხადა ტიკარაძემ.

საქართველოში კორონავირუსის 453 ახალი შემთხვევა გამოვლინდა, 295 გამოჯანმრთელდა. ამის შესახებ ინფორმაცია StopCov-ზე განახლდა.

აჭარაში კორონავირუსით 297 პირი ინფიცირდა. ამის შესახებ ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ ისაუბრა.

ენდელაძის განცხადებით, რეგიონების მიხედვით ახალი დადასტურებული შემთხვევების განაწილება შემდეგნაირია:

თბილისი — 78, იმერეთი — 52, სამეგრელო-ზემო სვანეთი — 6, გურია — 6, შიდა ქართლი — 6, ქვემო ქართლი — 2, კახეთი — 3, მცხეთა-მთიანეთი — 2, სამცხე-ჯავახეთი — 1.

მარინა ენდელაძის განცხადებით, დღეის მონაცემებით, 38 პაციენტი კრიტიკულად მძიმეა, მათ შორის 36 მართვით სუნთქვაზეა. მართვით სუნთქვაზე მყოფი პირებიდან 9 ოკუპირებული აფხაზეთიდანაა გადმოყვანილი.

სულ ქვეყანაში კორონავირუსის 7 093 შემთხვევაა დადასტურებული. აქედან 3 714 ადამიანი უკვე გამოჯანმრთელდა, 43 კი გარდაიცვალა.

კარანტინში 5 392 პირი იმყოფება, სტაციონარში მეთვალყურეობის ქვეშ — 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: