მარნეულში მომხადარი ინციდენტის დროს დაშავებულთა მდგომარეობა დამაკმაყოფილებელია. ამის შესახებ ექიმმა ჟურნალისტებთან განაცხადა.

"ერთ პაციენტთან ცხვირის ძვლის მოტეხილობა აქვს. მეორე პაციენტთან ტრავმული დაზიანებები არაა გამოხატული, დაზიანებები აქვს სახის არეში. ორივე პაციენტი ამ დროისთვის რჩება კლინიკაში. მათი ზოგადი მდგომარეობა დამაკმაყოფილებელია და სავარაუდოდ, ხვალ გაეწერებიან. მესამე პაციენტი უკვე გაწერილია", — განაცხადა ექიმმა.

ექიმის თქმით, უგონო მდგომარეობაში არც ერთი პაციენტი არ ყოფილა.

29 სექტემბერს, მარნეულში ქართული ოცნებისა და ნაციონალური მოძრაობის აქტივისტების დაპირისპირების შედეგად, რამდენიმე ადამიანი დაშავდა, მათ შორის ფიზიკურად გაუსწორდნენ ტელეკომპანია მთავარის 2 ჟურნალისტს და 2 ოპერატორს, ასევე საზოგადოებრივი მაუწყებლის ოპერატორს.