ნატოს გენერალური მდივანმა იენს სტოლტენბერგმა მადლობა გადაუხადა საქართველოს ავღანეთის მისიაში შეტანილი განსაკუთრებული წვლილისა და ერთგულებისთვის. ამის შესახებ ნატოს გენერალურმა მდივანმა საქართველოს პრემიერმინისტრ გიორგი გახარიასთან შეხვედრის შემდეგ გამართულ პრესკონფერენციაზე ისაუბრა.

"ერთ-ერთი უმაღლესი რანგის წვლილის შემტანია საქართველო ჩვენს მისიებში და მიგვაჩნია, რომ ეს ერთგულება უნდა შენარჩუნდეს, რადგან ეს არის საუკეთესო მექანიზმი ჩვენი თანამშრომლობისა და მხარდაჭერისთვის", — განაცხადა იენს სტოლტენბერგმა.

გიორგი გახარიამ აღნიშნა, რომ გასულ წელს ნატოს საქართველოსთან დინამიური თანამშრომლობა ჰქონდა, მათ შორის, წვრთნების ნაწილში.