თელასი, რომელიც თბილისს ელექტროენერგიის მიმწოდებელი კომპანიაა, აცხადებს, რომ რამდენიმე ქუჩაზე სხვადასხვა სამუშაოების ჩატარების გამო ელექტრომომარაგება 29 დეკემბერს დროებით შეიზღუდება.

შეზღუდვა შეეხება საბურთალოს რაიონს

საინვესტიციო პროგრამით გათვალისწინებული ქსელის გაუმჯობესების მიზნით 10 საათიდან 18 საათამდე შეზღუდვა შეეხება:

  • დემეტრე თავდადებულის,
  • პეტრიწის
  • პეტრე იბერის ქუჩების მაცხოვრებლებს.

ახალი აბონენტების ქსელზე მიერთების მიზნით 10 საათიდან 16 საათამდე შეზღუდვა შეეხება:

  • ყაზბეგის
  • ვაჟა-ფშაველას გამზირების მაცხოვრებლებს.

თელასი აცხადებს, რომ სამუშაოების დასრულების შემდეგ აბონენტებს ელექტრომომარაგება აღუდგებათ.