დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ბათუმში ხოზრევანიძის კლინიკამ მუშაობა დროებით შეაჩერა. როგორც, კლინიკის დირექტორმა On.ge-სთან აღნიშნა, მუშაობის შეწყვეტის მიზეზი კლინიკაში დაფიქსირებული კორონავირუსის შემთხვევაა, რომელიც ადმინისტრაციის თანამშრომელს დაუდასტურდა.

გასული 24 საათის განმავლობაში აჭარაში Covid-19-ის 39 ახალი შემთხვევა დაფიქსირდა. ამის შესახებ ინფორმაციას აჭარის ავტონომიური რესპუბლიკის ჯანდაცვის სამინისტროს პრესსამსახური ავრცელებს.

ლაბორატორიებში სულ 2 658 ნიმუში გამოიკვლიეს. ამ ეტაპზე საავადმყოფოში მკურნალობის კურსს გადის 146 პაციენტი, 26 პაციენტი იმყოფება კარანტინში მეთვალყურეობაზე. პოლიკლინიკებში აღებულია 604 ახალი ნიმუში, კარვებში კი 1 561. კარანტინში იმყოფება 2 450 პირი.

11 სექტემბრის მონაცემებით, საქართველოში კორონავირუსის 87 ახალი შემთხვევა გამოვლინდა, გამოჯანმრთელებულთა რიცხვი კი 20-თ გაიზარდა. ამის შესახებ ინფორმაცია დაავადებათა კონტროლის გვერდზე განახლდა.

ჯამში ქვეყანაში კორონავირუსის 1 917 დადასტურებული შემთხვევაა, მათ შორის გამოჯანმრთელდა — 1 354, გარდაიცვალა — 19. კარანტინის რეჟიმში — 5 882 პირი იმყოფება, სტაციონარში მეთვალყურეობის ქვეშ — 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: