დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისიდან კახეთში ჩასულ ექიმს კორონავირუსი დაუდასტურდა. როგორც დაავადებათა კონტროლის ეროვნული ცენტრის კახეთის განყოფილების უფროსმა, ნელი ხიზანიშვილმა აღნიშნა, ქალი თბილისში რამდენიმე კლინიკაში მუშაობს.

"იგი ჩამოსული იყო კახეთში, ახმეტის მუნიციპალიტეტის ერთ-ერთ სოფელში, სადაც საკუთარი სახლი აქვს ოჯახთან ერთად. ასევე, მას ჰქონდა კონტაქტი თელავის მუნიციპალიტეტის ერთ-ერთ სოფელში ახლო ოჯახის წევრებთან", — განაცხადა ნელი ხიზანიშვილმა.

8 სექტემბრის მონაცემებით, საქართველოში კორონავირუსის 45 ახალი შემთხვევა გამოვლინდა, 6 ადამიანი გამოჯანმრთელდა.

ჯამში, საქართველოში კორონავირუსის დადასტურებულ შემთხვევათა რაოდენობა 1 729-მდე გაიზარდა, ამათგან 1 321 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 5 882, სტაციონარში მეთვალყურეობის ქვეშ კი — 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: