ამერიკის შეერთებული შტატების ელჩი საქართველოში კელი დეგნანი აღნიშნავს, რომ რუსეთის მიერ განხორციელებული მოქმედებებიდან გამომდინარე, არჩევნებზე მათი ჩარევისგან არცერთი ქვეყანა დაცული არაა.

"მაგალითი იყო ის, რაც მოხდა ამერიკაში, რამდენიმე წლის წინ, შესაბამისად ქვეყანამ და მისმა მოსახლეობამ უნდა გააკეთოს ყველაფერი, რომ დაიცვას საარჩევნო სისტემები მათი გავლენისგან. აშშ და საქართველოს სხვა პარტნიორები ვახორციელებთ სხვადასხვა პროგრამას, რათა გაიზარდოს ხალხის ცნობიერება, მათ შეძლონ და გაიგონ რა არის დეზინფორმაცია და ტყუილი. პოლიტიკურ პარტიებს აქვთ მოვალეობა, სწორი ინფორმაცია მიაწოდონ მოსახლეობას სხვადასხვა მნიშვნელოვან საკითხზე, რათა მოსახლეობა იყოს ინფორმირებული ოქტომბრის არჩევნებზე და დაშინების გარეშე მიიღოს გადაწყვეტილება. ვიმედოვნებ, რომ ეს არჩვენები იქნება უკეთსი ვიდრე წინა", — განაცხადა დეგნანმა.(მთავარის თარგმანი)

აშშ-ის ელჩმა საქართველოში კელი დეგნანმა პოლიტიკურ პარტიებსა და ლიდერებს მოუწოდებს, იმუშაონ საკითხებზე, რომელიც მნიშვნელოვანია ქართველი ამომრჩევლებისთვის.

"საარჩევნო კამპანია, დაწყებულია და უკვე საკმაოდ დაძაბული რიტორიკაა შესამჩნევი. მე მოვუწოდებ ყველა პარტიას, საზოგადოებას უკეთ გააგებინონ, როგორია მათი პლატფორმები ისეთ საკითხებზე, როგორიცაა განათლება, ჯანდაცვა, ეკონომიკის გაჯანსაღების გეგმა კოვიდ პანდემიის შემდეგ. ეს არის ის საკითხები, რომლის საფუძველზეც ამომრჩეველი უნდა წავიდეს არჩევნებზე და გააკეთოს კარგი არჩევანი საქართველოს მომავლისთვის. ძალიან მნიშვნელოვანია საარჩევნო კანონმდებლობა, რაც იქნა მიღებული, ეფექტურად განხორციელდეს, იმისთვის, რომ თითოეულ ამომრჩეველს ჰქონდეს საშუალება ხმა მისცეს დაშინების გარეშე", — განაცხადა კელი დეგნანმა. (იმედის თარგმანი)

დეგნანმა პოლიტიკურ პარტიებს მოუწოდა, საარჩევნო რეფორმის ეფექტური და სრული შესრულებისკენ, რამაც ქვეყანაში თავისუფალი და სამართლიანი არჩევნების ჩატარებას უნდა შეუწყოს ხელი.

საქართველოს პრეზიდენტმა პარლამენტისა და აჭარის ავტონომიური რესპუბლიკის უმაღლესი საბჭოს არჩევნების თარიღად 31 ოქტომბერი დაასახელა.