მთავარი არხის ჟურნალისტის მიერ დასმულ კითხვაზე, თუ რას ფიქრობს სალომე ზურაბიშვილი საქართველოს მესამე პრეზიდენტის, მიხეილ სააკაშვილის პოლიტიკაში დაბრუნებაზე, ზურაბიშვილი პასუხობს: "ვინა? ვინ არის?"

მცირე ხნიანი პაუხის შემდეგ ჟურნალისტმა ზურაბიშვილს კვლავ იგივე კითხვა დაუსვა, თუმცა პრეზიდენტმა მას პასუხად მარიამობა მიულოცა.

ექსპრეზიდენტმა, მიხეილ სააკაშვილმა ვიდეომიმართვა გაავრცელა, რომელშიც საქართველოს მოსახლეობას ბოდიში მოუხადა. სააკაშვილი აღიარებს, რომ მისი მმართველობის პერიოდში იყო "ძალიან მძიმე შეცდომები", თუმცა იქვე ამატებს, რომ ხალხისთვის უკეთესი, "ბევრად მდიდრული" ცხოვრება უნდოდა.

ვიდეომიმართვაში, რომელიც სააკაშვილმა წინასაარჩევნოდ გაავრცელა ხაზგასმულია ისიც, რა გააკეთა ქვეყნისთვის და ისიც, რომ ახლა გასაკეთებელი კიდევ ბევრია. ის ისევ ჰპირდება ამომრჩეველს დაბრუნებას, თუმცა წინა დაპირებებისგან განსხვავებით, არ აკონკრეტებს როდის.