21 ნომერ მაისურს, რომლითაც გიორგი შაქარაშვილი ასპარეზობდა, შემდეგი სეზონიდან ამოიღებენ და ის შაქარას ნომრად დარჩება. ეს ინფორმაცია On.ge-ს საფეხბურთო კლუბ საბურთალოს პრესსამსახურში დაუდასტურეს.

იოსებიძის ქუჩაზე გიორგი შაქარაშვილის სახელობის სტადიონი გაიხსნა. გახსნაზე ტარიელ ხეჩიკაშვილმა განაცხადა, რომ ახალი სეზონის დაწყებიდან 21 ნომრით ვეღარავინ ითამაშებს და ის დარჩება შაქარას მაისურად.

19 წლის ფეხბურთელი, გიორგი შაქარაშვილი 19 ივნისს დაიკარგა. 4-დღიანი ძებნის შემდეგ, 22 ივნისს, გიორგი შაქარაშვილი ცხედარი მდინარე არაგვში იპოვეს. რამდენიმე დღეში საქმეზე 17 ადამიანი დააკავეს, ყველა მათგან წინასწარი პატიმრობა აქვს შეფარდებული. თავდაპირველად, მათ ბრალი ორი ან მეტი პირის მიმართ განხორციელებული ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის და ჯგუფურად თავისუფლების უკანონო აღკვეთის ფაქტებზე აქვთ წარდგენილი. როგორც ექსპერტიზის დასკვნის შემდეგ უწყებაში განაცხადეს, საქმეზე კვალიფიკაცია დაზუსტდა და ამ საქმეზე გამოძიება დამამძიმებელ გარემოებებში ჯგუფურად განხორციელებული განზრახ მკვლელობის მუხლით გაგრძელდება.