ესპანეთის ყოფილი მეფე ხუან კარლოსი ქვეყნის დატოვებას აპირებს. BBC-ის ინფორმაციით, ყოფილმა მონარქმა ქვეყნის დატოვება მას შემდეგ გადაწყვიტა, რაც რამდენიმე კვირის კორუფციასთან მისი კავშირის გამოძიება დაიწყეს.

82 წლის ხუან კარლოსმა თავისი გადაწყვეტილება შვილს, მეფე ფილიპს წერილით შეატყობინა. მისივე თქმით, დაკითხვის საჭიროების შემთვევაში პროკურატურისთვის ის ხელმისაწავდომი იქნება. მის წერილში, რომელიც ესპანეთის სამეფო კარმა გაასაჯაროვა, ნათქვამია, რომ ის ტოვებს ქვეყანას, რათა ფილიპეს, როგორც მეფეს "თავისი ვალდებულებების შესრულებაში" დაეხმაროს.

"ეს ძალიან ემოციური გადაწყვეტილებაა, მაგრამ მე მას მშვიდი სინდისით ვიღებ. 40 წლის განმავლობაში ესპანეთის მეფე ვიყავი. ამ ხნის განმავლობაში ესპანეთისთვისა და გვირგვინისთვის მხოლოდ საუკეთესო მსურდა", — აღნიშნულია ესპანეთის საპატიო მეფის წერილში.

ჯერჯერობით უცნობია, როდის დატოვებს ყოფილი მეფე ესპანეთს და სად გადავა ის საცხოვრებლად.

მარტში მეფე ფილიპემ ხუან კარლოსს ყოველწლიური სტიპენდია შეუწყვიტა და მამის მემკვიდრეობაზე უარი თქვა მას შემდეგ, რაც არაერთი ინფორმაცია გავრცელდა, რომ საუდის არაბეთთან დაკავშირებული საიდუმლო ოფშორებიდან მას შეიძლება მილიონობით ევრო მიეღო.

უკვე ივნისში ესპანეთის უზენაესმა სასამართლომ დაიწყო იმის გამოძიება თუ რა როლის აქვს ესპანეთის ყოფილ მეფეს შეთანხმებაში, რომლის ფარგლებში ესპანურ კონსორციუმს 6,7 მილიარდ ევროდ მექასა და მედინას დამაკავშირებელი მაღალჩქაროსნული რკინიგზა უნდა აეშენებინა.

ხუან კარლოსმა გვირგვინი თავის შვილს, ფილიპეს ექვსი წლის წინ გადასცა. მან კი ესპანეთის საპატიო მეფის ტიტული შეინარჩუნა. გადადგომას წინ უძღვოდა ესპანეთის ფინანსური კრიზისი დროს ბოტსვანაში სპილოებზე ნადირობა და კორუფციის გამოძიება, რომელშიც მისი შვილის ქმარის გვარი ფიგურირებდა.