ინფრასტრუქტურის მინისტრის, მაია ცქიტიშვილის განცხადებით, მართალია, პოლონური მხარე მზად არის საქართველოს მოქალაქეები უპირობოდ მიიღოს, მაგრამ ჩვენ მათ საზღვარს ვერ გავუხსნით ეპიდემიოლოგიური მდგომარეობის გამო. ცქიტიშვილი ამბობს, რომ პოლონეთში სიტუაცია გაუარესდა და ამას ემატება ისიც, რომ მათ უკრაინასთან გახსნეს საზღვარი, სადაც, ასევე, რთული მდგომარეობაა.

"პოლონეთს დღეს აქვს გახსნილი საზღვრები უკრაინასთან და თქვენ ძალიან კარგად ხედავთ, რომ უკრაინაში ყოველდღიურად ფიქსირდება რამდენიმე ასეული შემთხვევა. შესაბამისად, პოლონეთში საკმაოდ მაღალი ეპიდემიოლოგიური ფონია. პოლონეთი კი არის მზად საქართველოს მოქალაქეებს გაუხსნას საზღვარი, რადგან აქ ავადობის მაჩვენებელი დაბალია, მაგრამ, სამწუხაროდ, პოლონეთში არის მაღალი, — განაცხადა მან.

მინისტრმა ისაუბრა სხვა ქვეყნებზეც, რომლებსაც საზღვარი უპირობოდ არ გავუხსენით და-დღიანი კარანტინი შევთავაზეთ, მისი თქმით, ასეთ ქვეყნებს საქართველოს მოქალაქეებისთვისაც მსგავსი პირობები აქვთ, ზოგიერთი კი მხოლოდ განსაკუთრებული აუცილებლობის შემთხვევაში გვაძლევს შესვლის უფლებას.

საქართველო ევროკავშირის წევრ 5 ქვეყანას დღეიდან საზღვრებს უპირობოდ უხსნის. ეს ქვეყნებია:

  1. გერმანია;
  2. საფრანგეთი;
  3. ლიეტუვა;
  4. ლატვია;
  5. ესტონეთი.

ჩიქოვანის განმარტებით, ამ ქვეყნების რეზიდენტებს შეეძლებათ ყველა სახის ვიზიტი საქართველოში, მაგრამ მხოლოდ პირდაპირი საჰაერო მიმოსვლის საშუალებით. მანვე დაასახელა წესები და პირობები, რომელიც ტურისტების შემოსვლისას იმოქმედებს.

გაიგეთ მეტი:

ისეთ ქვეყნებს (რომლებმაც საქართველო ე.წ. მწვანე სიაში შეიყვანა) საქართველომ საზღვარი 14-დღიანი ფასიანი კარანტინის პირობით გაუხსნა. ხოლო იმ ქვეყნებს, რომლებმაც საქართველოს საზღვარი არ გაუხსნეს, არც საქართველო უხსნის საზღვარს.

გაიგეთ მეტი: