ევროპული საქართველოს ერთ-ერთი ლიდერი, გიგა ბოკერიას თქმით, გიორგი გახარიას რეპლიკა, რომ ოპოზიციის წევრები "კურდღლები" არიან, ძველბიჭობაა. ბოკერია გახარიას მოუწოდებს, რომ სადაც ქვეყნისთვის საჭიროა, პრინციპულობა იქ გამოიჩინოს.

"ეს რაღაც ძველბიჭობა, რამე კომპლექსი გაქვთ ბავშვობის... კურდღლები ხართ... მგელი ხართ ხო თქვენ ბატონო გახარია? აი, კბილებიანი, ძარღვიანი მგელი. ამ ძველბიჭობის მაგივრდად, ქვეყნის დაცვა სადაც საჭიროა, იქ რომ გქონდეთ პრინციპულობა არ შეიძლება? ამდენი ლაპარაკია და რა უნდა იმის თქმა, რომ ხვალ საქართველოს მტერს ქვეყანაში აღარ შემოვუშვებ? ხო იძახით არეულობის მომწყობი ძალებია ქვეყანაშიო და არ შემოუშვათ მტრები ქვეყანაში, რისი სრული უფლებაც გაქვთ ქვეყნის კანონმდებლობით", — განაცხადა ბოკერიამ.

დღეს, პარლამენტში მთავრობის წლიური ანგარიშის წარდგენისას, პრემიერმინისტრმა, გიორგი გახარიამ ოპოზიციას "კურდღლები" უწოდა.