ლელო საქართველოსთვის ლიდერის, ბადრი ჯაფარიძის თქმით, ჩვენ გვყავს თაობა, რომელიც იბრძოლებს ქვეყნის გაერთიანებისათვის იბრძოლებს. მისივე თქმით, ეს თავისუფალი თაობა არის. ის მშვიდობიან მომიტინგეებს შორის იმყოფებოდა და 2019 წლის 20 ივნისის ღამეს მათთან ერთად აპროტესტებდა. ჯაფარიძის შეფასებით, 20 ივნისი სამართლიანი პროტესტის გამოხატვის დღეა.

"20 ივნისი არის ქართველი ხალხის მიერ პროტესტის გამოხატვა ოკუპაციის მიმართ. ახალგაზრდებში არის მზაობა, გააგრძელონ ბრძოლა ჩვენი ქვეყნის გაერთიანებისათვის. ჩვენ ვხედავთ, რომ ისინი არასოდეს შეეგუებიან ოკუპაციას. ჩვენ შეგვიძლია ვიამაყოთ ჩვენი ახალგაზრდობით. ჩვენ შეგვიძლია ვიამაყოთ იმით, რომ ჩვენ გვყავს თაობა, რომელიც იბრძოლებს ჩვენი ქვეყნის გაერთიანებისათვის. ეს არის თავისუფალი თაობა", — განაცხადა ბადრი ჯაფარიძემ.

მისივე განმარტებით, 20 ივნისი არის დღე, როდესაც ქართველი ახალგაზრდები, თავისუფლებისთვის ბრძოლაში, როგორც ყოველთვის აღმოჩდნენ "ავანგარდში". მისი თქმით, ერთი წლის შემდეგ ისევ შეიკრიბნენ რუსთაველზე და კიდევ ერთხელ თქვეს " არა რუსეთის ოკუპაციას".

ჯაფარიძის თქმით, ბევრია ისეთი ადამიანი მისი თანაგუნდელები თუ თანამოაზრეები, ადამიანები, რომლებსაც საერთო მიზანი აქვთ საქართველოს თავისუფლება და ადამიანების კეთილდღეობა.