ცნობილი ინგლისელი მსახიობი იენ ჰოლმი 88 წლის ასაკში გარდაიცვალა.

მაყურებლები მას ყველაზე კარგად ბეჭდების მბრძანებლის ტრილოგიაში შესრულებული როლით იცნობენ: ის ერთ-ერთ ჰობიტს, ბილბო ბეგინსს ასახიერებს.

თავისი მრავალწლიანი კარიერის განმავლობაში, იენ ჰოლმსს ასზე მეტ პროექტში აქვს მონაწილეობა მიღებული, მათ შორის ისეთ ცნობილ კინოსურათებშიც, როგორებიცაა Alien, The Fifth Element და Naked Lunch.

1981 წლის ფილმ Chariots of Fire-ში შესრულებული როლისთვის კი ის ოსკარზეც იყო ნომინირებული.

იენ ჰოლმი ფილმში The Lord of the Rings: The Fellowship of the Ring.

ფოტო: New Line Cinema

"სერ იენ ჰოლმი ამ დილით 88 წლის ასაკში საავადმყოფოში მშვიდად გარდაიცვალა. ეს საოცარი, კეთილი და წარმოუდგენლად ნიჭიერი მსახიობი ყველას ძალიან მოგვენატრება", — განაცხადა ჰოლმის აგენტმა.

იენ ჰოლმის ჯანმრთელობა პარკინსონის დიაგნოზის გამო ბოლო პერიოდში გაუარესდა.