ცნობილმა მომღერალმა ბარბარა სტრეიზანდმა ჯორჯ ფლოიდის ექვსი წლის შვილს, ჯიანა ფლოიდს მსოფლიოში ცნობილი ერთ-ერთი ყველაზე დიდი კომპანიის, დისნეის აქციების წილი გადასცა.

ამის შესახებ ინფორმაცია ჯიანა ფლოიდმა თავის ინსტაგრამის გვერდზე გაავრცელა:

"დიდ მადლობას ვუხდი ბარბარა სტრეიზენდს, ახლა უკვე დისნეის აქციის მფლობელი ვარ", — წერს ჯიანა და აქვეყნებს ფოტოს, რომელშიც აქციების ფლობის მოწმობა უჭირავს ხელში.

10 გრემის ჯილდოს მფლობელმა მომღერალმა ჯორჯ ფლოიდის შვილს ასევე აჩუქა თავისი ორი სტუდიური ალბომი: My Name Is Barbra და Color Me Barba.

ბარბარა სტრეიზენდი ერთადერთი ცნობილი სახე არ არის, რომელიც ჯორჯ ფლოიდის ოჯახს დაეხმარა: მაგალითად, კანიე ვესტმა ჯორჯ ფლოიდის შვილის კოლეჯში სწავლა დააფინანსა.

აფროამერიკელი მოქალაქე ჯორჯ ფლოიდი 25 მაისს ქალაქ მინეაპოლისში დაკავებისას გარდაიცვალა, რასაც მთელი აშშ-ის მასშტაბით ხალხმრავალი დემონსტრაციები მოჰყვა.

ასევე იხილეთ: