დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში კორონავირუსით კიდევ ერთი, მე-14 პაციენტი გარდაიცვალა. მონაცემები StopCov.ge-ზე უკვე განახლდა. პაციენტი 4 აპრილიდან თბილისის პირველ საუნივერსიტეტო კლინიკაში 70 დღე მკურნალობდა. კლინიკის დირექტორმა On.ge-სთან საუბარში თქვა, რომ გარდაცვლილი კაცი დაახლოებით, 68 წლის იყო.

"სეფსისის ცენტრიდან გამოიყვანეს, სადაც კოვიდინფიცირებაზე ჰქონდა დასმული დიაგნოზი. შედეგად განვითარებული იყო მწვავე პნევმონია, გულის უკმარისობა, მწვავე რესპირატორული დისტრესი. შემოყვანისას პაციენტი კრიტიკული იყო. სამწუხაროდ, ვერ ხდებოდა ფილტვის ხელოვნური ვენტილაცია, რადგან დაზიანების ინდექსი იყო მაქსიმალური. დღეს, დაახლოებით 20 საათზე დაფიქსირდა ბიოლოგიური სიკვდილი", — ამბობს ლევან რატიანი.

13 ივნისის დილის მონაცემებით, საქართველოში კორონავირუსის დადასტურებული შემთხვევების რიცხვი 8-ით, 851-მდე გაიზარდა. მათ შორის, კიდევ 5 გამოჯანმრთელდა და მათი რაოდენობა 702 გახდა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: