იუსტიციის მინისტრი, თეა წულუკიანი ამბობს, რომ კონგრესმენების ანგარიში, სადაც ბიძინა ივანიშვილის რუსულ კავშირებზეა საუბარი, ძალიან სასაცილო და არასერიოზულია. წულუკიანი კონგრესმენენის ანგარიშში ოპოზიციის ლობისტების ხელწერას ხედავს.

მისი თქმით, მსგავს რიტორიკას ნაციონალური მოძრაობის ლობისტები ქართული ოცნების ხელისუფლებაშ მოსვლამდე, 2012 წელსაც ავრცელებდნენ.

"ჩემთვის დასკვნა არის მარტივი, ნაციონალური მოძრაობა, სააკაშვილები, რომელი ქვეყნის პოლიტიკოსებადაც არ უნდა მოგვევლინონ, ქვეყნის შიგნით რესურსი მათ პრაქტიკულად ამოწურეს. ისინი არიან განწირულნი მარცხისთვის, ამიტომ ვიღაც ლობისტების მეშვეობით ცდილობენ დაუბრუნდნენ 2012 წლის ივლისის რიტორიკას, რომ ქართული ოცნება, ჩვენი ლიდერი, ვითომ ჩვენ ყველანი ვართ პუტინის აგენტები და ვცდილობთ ხელისუფლებაში დარჩენას ისევ პუტინის დავალებით. ეს ყველაფერი არის ძალიან სასაცილო და არასერიოზული. ამას უკვე სერიოზულობით ვამბობ, ბიძინა ივანიშვილი არის ფიგურა ქართულ პოლიტიკურ სცენასა და რეალობაში, რომელიც ჯერჯერობით ერთადერთი ამ ქვეყანაში სუვერენიტეტის, დამოუკიდებლობის და სტაბილურობის გარანტი. შესაბამისად, თუ ოპოზიციისითვის და მისი ლობისტებისთვის ვინმე ჟორიკა არის სტაბილიზატორი, მე მომეცით უფლება, რომ ეს არ გავიზიარო", — განაცხადა წულუკიანმა.