აშშ-ში კორონავირუსით ინფიცირების დადასტურებულ შემთხვევათა რიცხვმა 2 მილიონს გადააჭარბა. ამის შესახებ მონაცემებს აშშ-ს ჯონ ჰოპკინსის უნივერსიტეტი ავრცელებს.

ბოლო მონაცემებით, ინფიცირების 2 000 464 შემთხვევაა დადასტურებული, მათ შორის გარდაცვლილია 112 924 ადამიანი და გამოჯანმრთელებულია 533 504 ადამიანი. აქედან ყველაზე მეტი გარდაცვლილი, 30 542 ადამიანი ნიუ-იორკის შტატშია.

რაც შეეხება სხვა ქვეყნებს, აშშ-ს შემდეგ ინფიცირების ყველაზე მეტი დადასტურებული შემთხვევა:ბრაზილიაში, რუსეთსა და დიდ ბრიტანეთშია.