ილიას სახელმწიფო უნივერსიტეტის ბავშვის განვითარების ინსტიტუტი იწყებს შეხვედრების ციკლს აუტიზმის მქონე ბავშვების მშობლებისა და სხვა დაინტერესებული პირებისათვის.

შეხვედრებზე ბავშვის განვითარების ინსტიტუტის თანამშრომლები ისაუბრებენ აუტიზმთან დაკავშირებულ სხვადასხვა აქტუალურ თემაზე, მოისმენენ მშობლების მოსაზრებებსა და უპასუხებენ შეკითხვებს. შეხვედრები წარიმართება ფეისბუქის ლაივის საშუალებით ილიას სახელმწიფო უნივერსიტეტის ბავშვის განვითარების ინსტიტუტის ფეისბუქის გვერდიდან.

ციკლის ფარგლებში დაგეგმილი პირველი შეხვედრა გაიმართება დღეს, 22 მაისს, 16:00 საათზე. თემა: ინტერაქციის ვიდეოანალიზი. ფასილიტატორი: ნინო გოგიჩაძე, ფსიქოლოგი და პროფესიული საბჭოს წევრი.

მორიგი შეხვედრა გაიმართება 29 მაისს, 16:00 საათზე, თემაზე "ფუნქციური უნარებისა და დამოუკიდებლობის ხელშეწყობა". ფასილიტატორი: ფსიქოლოგი ნატა ძაძამია

5 ივნისს, 16:00 საათზე გაიმართება ლაივ შეხვედრა, თემაზე "ბავშვთან კომუნიკაციის ამოცანა; კონტროლი, თუ თვითკონტროლი?" ფასილიტატორი: ბავშვის განვითარების ინსტიტუტის დირექტორი ნინო ცინცაძე.

ლაივ შეხვედრების ციკლი განკუთვნილია აუტიზმის მქონე ბავშვების მშობლებისა და სხვა დაინტერესებული პირებისათვის.