საქართველოს პრემიერმინისტრი, გიორგი გახარია, რესპუბლიკელ სენატორს, ლინდსი გრემს ესაუბრა. ამის შესახებ გახარიამ პოსტი საკუთარ ტვიტერზე გამოაქვეყნა.

პრემიერი წერს, რომ საუბარი ამერიკისა და საქართველოს პარტნიორობასა და თანამშრომლობის სამომავლო გეგმებს შეეხო.

"პროდუქტიული საუბარი გვქონდა. [..] ვისაუბრეთ საქართველოს პროგრესზე კორონავირუსთან ბრძოლაში და ამ წარმატებაში აშშ-ს მხარდაჭერის მნიშვნელოვან როლზე", — წერს გახარია.

სენატორი ლინდსი გრემი, აშშ-ს სენატის საგარეო ურთიერთობათა კომიტეტის თავმჯდომარის, ჯიმ რიშის თანაპარტიელია. რიშმა რამდენიმე დღის წინ მთავრობას წერილით მიმართა და 8 მარტის შეთანხმების შესრულებისკენ მოუწოდა. მისი თქმით, შეთანხმება პოლიტიკური პატიმრების გათავისუფლების საკითხსაც მოიცავს.