ამერიკის სახელმწიფო მდივანი, მაიკ პომპეო პანდემიის მიუხედავად ისრაელში მოლაპარაკებებზე ჩაფრინდა. ამის შესახებ ინფორმაციას BBC ავრცელებს. პომპეოს თვითმფრინავი თელ-ავივის აეროპორტში დაფრინდა და მას წითელ, თეთრ და ლურჯ ფერებში გაფორმებული პირბადე ეკეთა.

პომპეო ისრაელში მოლაპარაკებებზე პრემიერ მინისტრს ბენიამინ ნეთანიაჰუსა და მის კოალიციურ პარტნიორს, ბენი განცს ხვდება. გამოცემა წერს, რომ პომპეოსთვის ეს ექვსი კვირის შემდეგ პირველი ვიზიტია უცხოეთში. ვიზიტი პირველია ისრაელისთვისაც, მას შემდეგ, რაც პანდემიის გამო ქვეყანაში შესვლა სხვა ქვეყნის მოქალაქეებისთვის აიკრძალა.

BBC წერს, რომ პომპეოს კარანტინში ყოფნა არ მოეთხოვება. ერთობლივ პრესკონფერენციაზე, სადაც მოლაპარაკების მონაწილეებს პირბადეები არ ეკეთათ, ითქვა, რომ საუბრის თემა კორონავირუსი და ირანია. მაიკ პომპეომ ირანი დაადანაშაულა, რომ პანდემიის მიუხედავად რეგიონში ოკუპაციას აგრძელებს, ნეთანიაჰუმ კი ის "სხვა ჭირს" შეადარა.

ლიდერებმა, ასევე, განიხილეს სამომავლო გეგმები ისრაელის დასავლეთ ტერიტორიებთან დაკავშირებით, რომლებიც პალესტინელების ინტერესებში შედის. გეგმა აშშ-ს პრეზიდენტის, დონალდ ტრამპის "მშვიდობის ხედვას" ეფუძნება.