დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პირველი საუნივერსიტეტო კლინიკის დირექტორის, ლევან რატიანის თქმით, კლინიკაში სამკურნალო საშუალებებისა და პირადი აღჭურვილობის დეფიციტი არ აქვთ.

მისი თქმით, თუ დაავადების გავრცელება მსგავსი ტენდენციით გაგრძელდა, კლინიკას მარაგი 1 თვე ეყოფა.

"ჩვენს კლინიკაში არც სამკურნალო საშუალებების, არც პირადი აღჭურვილობის დეფიციტი არ არის. თუ ასეთი ტემპი გაგრძელდა, დაახლოებით გვაქვს ერთი თვის მარაგი, რომელიც ალბათ არ დაგვჭირდება, ვინაიდან გვაქვს ტენდენცია მკვეთრად შემცირების ინფიცირებულთა რიცხვის, აქედან გამომდინარე დაავადებულები. ალბათ, ყველაფერი კარგად იქნება" — განაცხადა რატიანმა.

საქართველოში კორონავირუსით ინფიცირებულთა რიცხვი 8-ით გაიზარდა და საერთოდ რაოდენობა 623 გახდა. მათ შორის 288 ადამიანი გამოჯანმრთელებულია, 9 გარდაიცვლილი.

ამდროისთვის კარანტინის რეჟიმში რჩება 4 723 ადამიანი, ხოლო სტაციონარში მეთვალყურეობის ქვეშ — 446 ადამიანი რჩება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: