მთავრობის ადმინისტრაციის ხელმძღვანელის, ნათია მეზვრიშვილის განმარტებით, ქუთაისსა და ბათუმში შესვლასა და გასვლაზე შეზღუდვები მოიხსნა, თუმცა საგანგებო მდგომარეობის პირობებში მოქმედი ყველა სხვა შეზღუდვა ამ ქალაქებშიც ძალაში რჩება.

მისივე თქმით, თბილისსა და რუსთავში შეზღუდვები ძალაში რჩება, რადგან თბილისისა და რუსთავის მუნიციპალიტეტებში არსებული ეპიდემიოლოგიური მდგომარეობა შეზღუდვების ვადაზე ადრე მოხსნის შესაძლებლობას არ იძლევა.

"პრემიერმა აქცენტი გააკეთა იმაზე, რომ ნებისმიერი გადაწყვეტილების მიღებისას მაქსიმალურად ვცდილობთ, ვიყოთ თანმიმდევრულები. თანმიმდევრულად ვმოქმედებდით მაშინ, როდესაც ეს შეზღუდვები შემოვიღეთ, საგანგებო მდგომარეობის ფარგლებში და ვცდილობთ, რომ ასევე თანმიმდევრულად, რისკების კონტროლით, ეტაპობრივად ავხსნათ შეზღუდვები", — განაცხადა მეზვირშვილმა.

დღეიდან ქუთაისსა და ბათუმში შესვლასა და გასვლაზე შეზღუდვები მოიხსნა.